Улс төр

"Бадрах Энержи" компани болон Орано группийн төлөөлөгч нарыг хүлээн авч уулзав

2025/11/07
Аж үйлдвэр, эрдэс баялгийн сайд Г.Дамдинням өнөөдөр Бүгд Найрамдах Франц Улсын хөрөнгө оруулалттай “Бадрах Энержи” компанийн захирал хатагтай Корали Принтэй болон Орано группийн Геологийн албаны захирал Николас Флоттег хүлээн авч уулзан хамтран ажиллах асуудлаар санал солилцлоо.
 
Уулзалтын эхэнд сайд Г.Дамдиннямд цаг гарган уулзсанд талархал илэрхийлж, дэлхийн ураны салбарын цаашдын төлөв, зах зээлийн чиг хандлагын талаар танилцуулга хийв. Мөн Монгол Улсад дээрх чиглэлээр хамтран ажиллах сонирхолтой байгаагаа илэрхийлэв.
 
Талууд “Орд ашиглах гэрээ”-ний өөрчлөлтийн явцын талаар болон Монгол Улсад олон улсын стандартад нийцсэн лаборатори байгуулах чиглэлд “Орано Майнинг” компанийн зүгээс үзүүлэх дэмжлэг, хамтын ажиллагааны боломжийн талаар хэлэлцэв.
 
Сайд Г.Дамдинням энэ үеэр аж үйлдвэр, эрдэс баялгийн салбарын бодлого, цаашдын зорилтын талаар товч танилцуулж, уг салбарт шударга өрсөлдөөний зарчмыг үндэслэн, Монгол Улсад хамгийн их өгөөжтэй, харилцан ашигтай хамтын ажиллагааг хөгжүүлэх байр суурьтай байгаагаа илэрхийллээ гэж Аж үйлдвэр, эрдэс баялгийн яамнаас мэдээллээ.  

Холбоотой мэдээ

Говь-Алтай аймгийн нэгдсэн эмнэлгийн өргөтгөлийг 30 тэрбум төгрөгөөр барьж ашиглалтад оруулна
Хүүхэд хохирсон гэмт хэргийн тоо улсын хэмжээнд 18.2 хувиар буурлаа
Төрийн тусгай албан хаагчдын нэгдсэн эмнэлэг нурууны мэдрэлийн ёзоор дарагдаж, үрэвссэнээс үүдэлтэй өвдөлтийг намдаах эмчилгээний аргыг нэвтрүүлжээ

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0