Сэтгэгдэл 0
Улсын Их Хурлын гишүүн, Төрийн байгуулалтын байнгын хорооны дарга Ж.Бат-Эрдэнэ Олон улсын парламентын холбоо (ОУПХ)-ны Жендэрийн түншлэлийн хөтөлбөрийн ажилтан Мариана Дуарте, Эмэгтэйчүүдийг алагчилах бүх хэлбэрийг устгах тухай конвенцийн асуудлаарх шинжээч, Бүгд Найрамдах Гана Улсын Хуулийн хүрээлэнгийн ректор Хилари Гбедема болон Хүний эрхийн хөтөлбөрийн хүний эрхийн асуудал эрхэлсэн шинжээч Бутайна Ламхарзи нарыг өнөөдөр /2025.06.25/хүлээн авч уулзлаа.
Уулзалтын эхэнд УИХ-ын Төрийн байгуулалтын байнгын хорооны дарга Ж.Бат-Эрдэнэ, Монгол Улсын Их Хурал болон Олон улсын парламентын холбооны хамтарсан уулзалт-хэлэлцүүлгийг амжилттай зохион байгуулсанд талархал илэрхийлээд, хэлэлцүүлгээр ярилцсан асуудлуудын ач холбогдлыг онцлов. Тухайлбал, парламентын үйл ажиллагаагаар дамжуулан Эмэгтэйчүүдийг алагчилах бүх хэлбэрийг устгах тухай конвенц (CEDAW)-ийн талаарх хэлэлцүүлэг нь хүний эрхийн талаар мэдлэг, мэдээллийг сайжруулж, тодорхой үйл ажиллагааг хэрэгжүүлэх боломжийг бүрдүүллээ. Монгол Улсын Их Хурал, Олон улсын парламентын холбоо хоорондын хамтын ажиллагаа улам өргөжин тэлж, парламентын ардчиллыг бэхжүүлэх, парламентын үйл ажиллагааг хүний эрх, жендэрийн эрх тэгш байдлыг хангуулах чиглэлээр хамтын ажиллагааны санамж бичгийг 2022 онд байгуулж, 2024 онд санамж бичгийг сунгасан байдаг. Миний бие УИХ-ын даргын захирамжаар байгуулагдсан “Харилцан ойлголцлын санамж бичгийн хэрэгжилттэй танилцах, эрчимжүүлэх” үүрэг бүхий ажлын хэсгийн ахлагчийн хувьд ирэх 07 дугаар сард зохион байгуулагдах Дэлхийн парламентын дарга нарын 6 дугаар хурлын үеэр Улсын Их Хурал, Олон улсын парламентын холбооны хамтын ажиллагааны санамж бичгийг дахин сунгах гэж байгаад баяртай байна гэв.
ОУПХ-ны Жендэрийн түншлэлийн хөтөлбөрийн ажилтан Мариана Дуарте, энэ удаагийн парламент нийгмийн олон төлөөллийг бүрдүүлсэнд талархаж байна. ОУПХ нь олон улсын сайн туршлагыг судлан бусад орны парламентад танилцуулж, хэрэгжүүлэхэд туслалцаа үзүүлдэг. Монгол Улсын парламентын энэ сайн туршлагыг түгээн дэлгэрүүлэх талаар ажиллах болно. 2026 онд Монгол Улсын парламент ээлжит тайлангаа ОУПХ-д тавина. Энэхүү тайландаа та бүхэн парламентынхаа бүрэлдэхүүнд хүний эрх, жендэрийн тэгш байдлыг хангахад гаргасан энэхүү амжилтаа онцлох зөвлөмжийг өгч байна гээд ОУПХ-ноос бүх талаар дэмжин ажиллана гэдгээ илэрхийллээ. Уулзалтад УИХ-ын гишүүн Г.Уянгахишиг, Э.Болормаа, Э.Одбаяр нар оролцож, санал бодлоо илэрхийллээ гэж Улсын Их Хурлын Хэвлэл мэдээллийн газраас мэдээллээ.
Уулзалтын эхэнд УИХ-ын Төрийн байгуулалтын байнгын хорооны дарга Ж.Бат-Эрдэнэ, Монгол Улсын Их Хурал болон Олон улсын парламентын холбооны хамтарсан уулзалт-хэлэлцүүлгийг амжилттай зохион байгуулсанд талархал илэрхийлээд, хэлэлцүүлгээр ярилцсан асуудлуудын ач холбогдлыг онцлов. Тухайлбал, парламентын үйл ажиллагаагаар дамжуулан Эмэгтэйчүүдийг алагчилах бүх хэлбэрийг устгах тухай конвенц (CEDAW)-ийн талаарх хэлэлцүүлэг нь хүний эрхийн талаар мэдлэг, мэдээллийг сайжруулж, тодорхой үйл ажиллагааг хэрэгжүүлэх боломжийг бүрдүүллээ. Монгол Улсын Их Хурал, Олон улсын парламентын холбоо хоорондын хамтын ажиллагаа улам өргөжин тэлж, парламентын ардчиллыг бэхжүүлэх, парламентын үйл ажиллагааг хүний эрх, жендэрийн эрх тэгш байдлыг хангуулах чиглэлээр хамтын ажиллагааны санамж бичгийг 2022 онд байгуулж, 2024 онд санамж бичгийг сунгасан байдаг. Миний бие УИХ-ын даргын захирамжаар байгуулагдсан “Харилцан ойлголцлын санамж бичгийн хэрэгжилттэй танилцах, эрчимжүүлэх” үүрэг бүхий ажлын хэсгийн ахлагчийн хувьд ирэх 07 дугаар сард зохион байгуулагдах Дэлхийн парламентын дарга нарын 6 дугаар хурлын үеэр Улсын Их Хурал, Олон улсын парламентын холбооны хамтын ажиллагааны санамж бичгийг дахин сунгах гэж байгаад баяртай байна гэв.
ОУПХ-ны Жендэрийн түншлэлийн хөтөлбөрийн ажилтан Мариана Дуарте, энэ удаагийн парламент нийгмийн олон төлөөллийг бүрдүүлсэнд талархаж байна. ОУПХ нь олон улсын сайн туршлагыг судлан бусад орны парламентад танилцуулж, хэрэгжүүлэхэд туслалцаа үзүүлдэг. Монгол Улсын парламентын энэ сайн туршлагыг түгээн дэлгэрүүлэх талаар ажиллах болно. 2026 онд Монгол Улсын парламент ээлжит тайлангаа ОУПХ-д тавина. Энэхүү тайландаа та бүхэн парламентынхаа бүрэлдэхүүнд хүний эрх, жендэрийн тэгш байдлыг хангахад гаргасан энэхүү амжилтаа онцлох зөвлөмжийг өгч байна гээд ОУПХ-ноос бүх талаар дэмжин ажиллана гэдгээ илэрхийллээ. Уулзалтад УИХ-ын гишүүн Г.Уянгахишиг, Э.Болормаа, Э.Одбаяр нар оролцож, санал бодлоо илэрхийллээ гэж Улсын Их Хурлын Хэвлэл мэдээллийн газраас мэдээллээ.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.