АНУ-ын Аляск дахь Аляскын Үндэсний агаарын гвардынхан Монгол Улсад ирж, Кибер аюулгүй байдлын коммандлалынхантай уулзжээ. Энэхүү уулзалтыг Төрийн хамтралын хөтөлбөрийн хүрээнд зохион байгуулсан байна. Ахлах түрүүч Бренди Таносын удирддаг АКАНГ бүлэг нь АНУ-ын Агаарын хүчний 168-р Жигүүрийн холбооны баг болон 176-р Холбооны ангийн мэргэжилтнүүдээс бүрддэг. Ингээд хоёр талын уулзалтаар Монгол Улсын Кибер аюулгүй байдлын цэргийн коммандлалыг сургах, бэлдэх ажлыг зохион байгуулах, тэдгээрт хэрэгтэй сургалтын чиг баримжааг тодорхойлж, хөтөлбөр боловсруулах талаар ярьж, тохиролцсон байна. Ингэхдээ талууд мэдээлэл солилцоонд үндэслэн ирээдүйн үйл ажиллагааны зарчмыг тодорхойлох юм.

Хамтын ажиллагааны явцад багуудын солилцоогоор олж авсан цөм мэдлэг, гүйцэтгэх үүргийн дагуу зорилтот бэлтгэл, сургалт зохион байгуулж, цаашдын солилцоонд чиглэсэн сургалтын төлөвлөгөө боловсруулахад нэн чухал ач холбогдол үзүүлэхийн Б.Танос цохон тэмдэглэжээ. Харин энэ хооронд технологич түрүүч Жеймс Гилкрест Монголын талын бүрэлдэхүүнд мэдээлэл баталгаажуулах удирдлагын үүрэг сэдэвт лекц тавьсан бол Б.Танос дугуй ширээний зөвлөлгөөн зохион байгуулж, кибер коммандлалын өнөөгийн бүтцийн талаарх ойлголт авч дэвшилтэт ажлын бүлэг байгуулахад шаардлагатай нэмэлт бүтээгдэхүүн боловсруулж, түүнийг ашиглаж сурах шаардлагатай гэсэн дүгнэлтэд хүрснээ тайлагнажээ.

Үүний дараагаар Батлан хамгаалах яамны Кибер ажиллах хүчний бүтцийг танилцуулж, ажлын үүрэг, мэдлэг, ур чадвар, чадамж, багаж хэрэгсэл гэх зэрэг үндсэн гол элементүүдээр хангаж өгчээ.

Кибер аюулгүй байдалд учрах түгээмэл заналхийлэл, сул тал сэдэвт зөвлөлгөөнийг Ажлын хэсгийн түрүүч Стивен Лашлоффи, Ж.Гилкрест нар зохион байгуулж, дэлгэрэнгүй мэдээлэл, зааварчилгаа өгсөн байна.

Төрийн хамтралын хөтөлбөрийг анх 1993 оноос хэрэгжүүлж эхэлсэн цагаас хойш дэлхийн олон орны харилцааг бэхжүүлж, хамтын ажиллагаа байгуулах зорилго дор үйл ажиллагаа явуулж байна. Энэ хөтөлбөрийн хүрээнд шинээр байгуулагдсан Монгол Улсын Кибер аюулгүй байдлын цэргийн коммандлалын олон улстай хамтран ажиллах чадамжийг сайжруулах, бэхжүүлэх ажлыг АНУ-ын талаас зохион байгуулахаар зорин ажиллаж эхэлсэн нь энэ аж. Хөтөлбөр хэрэгжиж эхэлсэн 30 жилийн хугацаанд 115 улстай хамтран ажиллаж, 105-тай нь байнгын хамтрал бий болгоод байгаа аж.