Хөгжлийн банкны гэх дуулиант хэрэг дуншиж, дунгиж шүүхээр шийдэгдсэн. Эл хэргийн улмаас хэд, хэдэн УИХ-ын гишүүний бүрэн эрхийн асуудал хөндөгдсөн. Цаашид гишүүний үүргээ гүйцэтгэх үү, үгүй юү дээрээ тулчихаад байгаа хүмүүсийн нэг нь УИХ-ын гишүүн Д.Цогтбаатар. Тэрбээр энэ асуудалтай холбогдуулан тайлбар өгчээ:
“Би УИХ-ын сонгуулийн тухай хуульд зааснаар нэр дэвшихдээ шүүхийн байгууллагаас бүх шийдвэрээ аваад Сонгуулийн хороонд хүргүүлсэн. Дээд шүүхийн бичиг албан ёсоор ирэх байх, надад бол албан ёсоор ирсэн бичиг алга байна. Хуулийн дагуу асуудал шийдэгдээд явах байх. Би тангараг өргөхдөө Үндсэн хууль зөрчихгүй, өргөсөн тангарагтаа үнэнч байна гэж тангараг өргөсөн. Тангараг өргөснөөс хойш би ямар нэг хууль зөрчөөгүй. Би гишүүнийхээ бүрэн эрхээс татгалзах өргөдөл өгөхгүй” гэлээ.