Улс төр

Монгол Улсын агаарын шинэ зам нээгдлээ

2024/12/11
“МИАТ” ТӨХК Бүгд Найрамдах Социалист Вьетнам улсын Хо Ши Мин хот руу анхны хуваарьт нислэгээ амжилттай үйлдлээ.
 
Энэхүү хуваарьт нислэг үйлдэж эхэлснээр Монгол Улс, Вьетнам улс хоорондын худалдаа, эдийн засаг, тээвэр ложистик, аялал жуулчлалын салбарын хамтын ажиллагаа өргөжихөд үнэтэй хувь нэмэр оруулж, цаашид хоёр орны зорчигч урсгал нэмэгдэх чухал ач холбогдолтой юм.
 
“МИАТ” ТӨХК-ийн энэхүү нислэг нь долоо хоногийн мягмар, баасан гарагуудад тогтмол үйлдэгдэх бөгөөд өнөөдрийн нээлтийн нислэгээ нийт 292 зорчигчтойгоор үйлдлээ.
 
Энэ жил Монгол Улсад аялал жуулчлалын салбар үүсэж хөгжсөний 70 жилийн ой тохиож байна. Монгол Улсын Засгийн газраас зарласан Монголд зочлох жилийн хүрээнд сүүлийн жилүүдэд манай улсыг зорин ирэх жуулчдын тоо улам бүр нэмэгдсээр байгаа. Тэр хэрээр агаарын тээврээр зорчигчдын тоо ч хурдацтай өсөж байна.
 
Иймд Зүүн өмнөд Азид төдийгүй дэлхийд эдийн засаг, аж үйлдвэрлэл, аялал жуулчлалаараа тэргүүлж буй Хо Ши Мин хотын нислэг тогтворжсоноор цаашид зорчигч тээвэр болон ачаа эргэлт улам бүр ихсэх төлөвтэй байгаа юм гэж Зам, тээврийн яамнаас мэдээллээ. 

Холбоотой мэдээ

Н.Учрал нарны хавтангаар тог, дулаанаа шийдсэн өрхийн сайн туршлагатай танилцав
Засгийн газраас Эд нийцлийн лаборатори байгуулахад шаардлагатай санхүүжилтийг шийдвэрлэлээ
Туулын хурдны замын бүтээн байгуулалтын барилгын ажлыг гуравдугаар сард эхлүүлнэ

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0