Хиймэл оюун ухаант супер компьютер бүхий “Stargate” буюу Оддын хаалга нэртэй энэ төсөл нь 2028 онд нээлтээ хийнэ гэж Информэйшн сэтгүүл мэдээлжээ. Төслийн хэмжээнд бий болох асар том дата төв нь нийт 115 тэрбум ам.долларын өртөгтэй бөгөөд Майкрософт хөрөнгийг нь гаргаж, ӨүпенЭйАйтай хамтрахаар болсон байна. Хиймэл оюуны чиглэлд Нвидиа компаниас шууд хамааралтай байдаг тус хоёр компани ирээдүйд бие даан, хараат бус байдлаасаа гарах зорилготой гэж тайлбарлажээ. Энэхүү зоримог төсөл нь таван шаттай байх ба Оддын хаалга нь тав дахь шатанд хэрэгжиж дуусна. Төслийн туйлын зорилго бол хиймэл оюун ухааны хөгжлийг дараагийн шатанд гаргаж, үр ашгийг нь нэмэгдүүлэхэд чиглэсэн учир ийнхүү өндөр ач холбогдол үзүүлж буй хэмээн ӨүпенЭйАйгийн захирал Сэм Алтман мэдэгджээ. Гэхдээ төсөл хэрэгжүүлэгчдийн зүгээс хараахан дэлгэрэнгүй мэдээлэл өгөөгүй байна.