Дэлхий дахин ,Гаднын хэвлэлд

Электрон тамхи биднийг аажмаар хөнөөж байна уу

16 мин өмнө
Электрон тамхи 2003 онд анх гарч ирэхдээ уламжлалт тамхины аюулгүй хувилбар гэгдэж, бүр тамхинаас гарахад тусална хэмээх сурталчилгаа ч явж байв. Гэвч аюулгүй гэх баталгаа, амлалтуудыг үл харгалзан, энэ оны эхээр АНУ-д электрон тамхитай холбоотой өвчлөлийн улмаас хэд хэдэн хүн нас барж, 1000 гаруй хүн ижил төстэй шинж тэмдэг бүртгэгдээд байна. Сүүлийн үед бүр электрон тамхины хэрэглэснээс болж "попкорн уушги" (popcorn lung) хэмээх өвчин үүсэж болзошгүй тухай мэдээллүүд ч гарч эхэлсэн.
 
Электрон тамхи гэж юу вэ
Электрон тамхи хэрэглэх явдлыг анх уламжлалт тамхи татахын "илүү эрүүл" хувилбар хэмээн сурталчилж байв. Өсвөр насныханы дунд электрон тамхи хурдан хугацаанд трэнд болж, түүнийг тамхи татахтай харьцуулахад хор хөнөөл багатай гэсэн сурталчилгааны нөлөөгөөр өсвөр насныхны дунд дэлгэрсэн.

Уушгины өвчин
2019 оны 08 дугаар сард АНУ-ын Висконсин мужийн Эрүүл мэндийн үйлчилгээний газар өсвөр насныхан болон залуучуудын дунд уушгины өвчнөөр эмнэлэгт хэвтсэн 11 тохиолдол бүртгэгдсэнийг мэдээлжээ. Тэд бүгд вейп хэрэглэж байснаа мэдэгдсэн байна.

Эмнэлэгт хэвтсэн өсвөр насныхан
Иллинойс мужийн Нийгмийн эрүүл мэндийн газрын мэдээлснээр, энэ жил электрон тамхины хэрэглээтэй холбоотойгоор эмнэлэгт хэвтэх өсвөр насныхны тоо нэмэгджээ. Электрон тамхи үйлдвэрлэгч "Juul" компани бүтээгдэхүүнээ өсвөр насныханд сурталчилсан байж болзошгүй гэх шалтгаанаар шүүмжлэлд өртөөд байна. Үүний улмаас АНУ-ын Сенат уг асуудлаар мөрдөн шалгах ажиллагаа эхлүүлээд байгаа билээ.

Хэр хор хөнөөлтэй вэ
Электрон тамхийг энгийн тамхинаас бага хор хөнөөлтэй гэж үздэг ч, электрон тамхи хэрэглэх нь урт хугацаанд ямар нөлөө үзүүлдэг талаарх судалгаа одоогоор алга байна.

Холбоотой мэдээ

Хямрал хүндрэхийн хэрээр Орост түлшний асуудлаас үүдэлтэй бухимдал нэмэгдэж байна
Ши Жинпин Трамп, Путин нартай гурван талт уулзалт хийх сонирхолгүй байна
Хулгайлсан цагаа уучлал хүссэн захидлын хамт буцаан өгчээ

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0