Нюка/Nuca/ хэмээх гурван хэмжээст хэвлэгчээр хэвлэсэн нэн шинэ гэрэл зургийн төхөөрөмж нь биетийн дүрсийг дахин боловсруулж, шинэ зураг үүсгэх хиймэл оюун ухаанаар тоноглосон учир таныг ердөө л аравхан секундэд нүцгэлчих чадвартай юм. Зургийн аппаратны санааг Матиас Веф, Бенедикт Гроб нар сэдэж, бодитоор бүтээсэн байна. Хиймэл оюун ухаанаар дурын хүний зургийг дахин боловсруулж, хувцасыг нь тайлдаг гар утасны аппликейшн анх 2019 онд гарч байжээ.

Шинээр зохион бүтээсэн энэхүү аппарат нь Хиймэл оюун ухааны чадамж, алгоритмын алдаагүй зөв ажиллагаа, хиймэл оюун ухаанаар бүтээсэн дүрслэлийн нийгэм дэх нөлөөг харуулахыг зорьсон гэж Нюкагийн цахим хуудаст тайлбарлажээ. Одоогийн байдлаар Ньюка аппаратыг гурван хэмжээст хэвлэгчээр хэвлэж, 37мм-ийн өргөн өнцөгт линзээр тоногложээ. Аппаратаар зураг авахад Веф ба Гробын ангилах программ бүхий сервер рүү тоон мэдээллийг илгээж, тухайн хүний хүйс, нас, арьс өнгийг шинжилж, шинэ зураг боловсруулна.