Биткойны одоогийн ханшаар бараг 7.6 тэрбум ам.доллартай дүйх хэмжээний биткойн хулгайлж хакердсан этгээдэд АНУ-ын шүүхээс таван жилийн хорих ял оноолоо. Гэмт этгээдийг Илья Лихтенштейн гэдэг бөгөөд 2022 оны хоёрдугаар сард баривчлагдсан юм.

Тэрээр эхнэрийнхээ хамт 2016 оны наймдугаар сард Хонконгийн “Битфинекс”  гэх виртуал валютын бирж рүү нэвтэрч ойролцоогоор 120 мянга орчим биткойн хулгайлжээ. Энэ нь тухайн үедээ 71 сая ам.доллартай тэнцэж байсан бөгөөд одоогийн ханшаар 7.6 орчим тэрбум ам.доллар гэсэн үг юм. Прокуроруудын хэлж байгаачлан тэрээр хулгайлснаасаа хойш хэдэн сарын дараа хэд, хэдэн платформын данс ашиглан гүйлгээ хийж эхэлжээ. Хосууд хулгайлсан биткойныхоо 21 орчим хувийг амжилттай угаасан нь одоогийн ханшаар 1.5 тэрбум ам.доллартай дүйх гэнэ.

Тэд баривчлагдсанаас хойш нэг жилийн дараа хэргээ хүлээж, зургаан тэрбумтай дүйх үл хөдлөх хөрөнгөө хураалгажээ. Илья Лихтенштейн нь ОХУ-д төрж, АНУ-ын Чикаго хотын захад өссөн АНУ-ын иргэн юм. Тэрээр суллагдсаныхаа дараа кибер аюулгүй байдал, цахим гэмт хэрэгтэй тэмцэх үйлсэд хувь нэмэр оруулна гэдгээ мэдэгджээ.