Хиймэл дагуулын шинэ судалгаагаар Мексикийн Мехико хот, Индонезийн Медан хот зэрэг дэлхийн томоохон хотуудад  доош сууж эхэлсэн байна. "Nature Cities" сэтгүүлд нийтлэгдсэн энэхүү судалгааны үр дүн нь барилга байгууламж, дэд бүтэц болон иргэдэд учирч болзошгүй эрсдэлийг бууруулахын тулд яаралтай арга хэмжээ авах шаардлагатай, эрсдэл өндөртэй бүсүүдийг тодорхойлоход туслах зорилготой ажээ. Хүний үйл ажиллагаа, ялангуяа газрын доорх ус олборлох явдал нь томоохон хотуудад газрын гадаргуу аажмаар доош суухад хүргэж байгааг олон тооны судалгаа харуулсаар байна.

Томоохон хотуудад газрын доорх усыг их хэмжээгээр олборлох үед газар доорх тунамал давхаргын усны даралт буурч, дээр нь баригдсан барилга байгууламжуудын жингээс үүдэлтэйгээр шахагдан нягтаршдаг байна. Улс орны хэмжээнд хийсэн судалгаануудаас харахад, АНУ-ын Хьюстон, Нью-Йорк хотууд, мөн Хятадын Шанхай, Бээжин хотуудад газрын гадаргуу суулт үүсэх үзэгдэл ажиглагдаж эхэлсэн байна. Хятадын Бээжингийн их сургуулийн эрдэмтдийн хийсэн хамгийн сүүлийн үеийн судалгаагаар дэлхийн өнцөг булан бүрд орших хотуудад газрын гадаргуу суулт үүсэж буй байдлыг судалжээ. Энэхүү үзэгдэл нь барилга байгууламж, суурь, ус зайлуулах болон бохирын шугам сүлжээнд гэмтэл учруулахаас гадна үерийн эрсдэлийг нэмэгдүүлдэг байна. Судлаачид 107 улс орны, нэг саяас дээш хүн амтай 465 хотод газрын хөдөлгөөнийг хэмжихийн тулд 2014-2023 оны хооронд цуглуулсан, өндөр нарийвчлалтай хиймэл дагуулын өгөгдөлд иж бүрэн дүн шинжилгээ хийсэн байна.

Тэд Европын Сансрын агентлагийн "Sentinel-1" хиймэл дагуулуудаас өөр өөр цаг хугацаанд цуглуулсан радарын өгөгдөлд нарийвчилсан дүн шинжилгээ хийснээр газрын гадаргын байрлалд гарсан миллиметрийн хэмжээний өчүүхэн өөрчлөлтүүдийг илрүүлэх боломжтой болжээ. Судалгаагаар Мехико хотын зарим хэсэгт газрын суулт хамгийн хурдацтай явагдаж байгаа нь тогтоогдсон байна. Мехико хотын зарим хэсэгт газар жилд дунджаар 217 мм-ээр сууж байгаа бол хотын хэмжээнд дундаж үзүүлэлт нь жилд 8 мм байна.

Тэд Европын Сансрын агентлагийн "Sentinel-1" хиймэл дагуулуудаас өөр өөр цаг хугацаанд цуглуулсан радарын өгөгдөлд нарийвчилсан дүн шинжилгээ хийснээр газрын гадаргын байрлалд гарсан миллиметрийн хэмжээний өчүүхэн өөрчлөлтүүдийг илрүүлэх боломжтой болжээ. Судалгаагаар Мехико хотын зарим хэсэгт газрын суулт хамгийн хурдацтай явагдаж байгаа нь тогтоогдсон байна. Мехико хотын зарим хэсэгт газар жилд дунджаар 217 мм-ээр сууж байгаа бол хотын хэмжээнд дундаж үзүүлэлт нь жилд 8 мм байна. Түүнчлэн газрын суулт хамгийн эрчимтэй явагдаж буй бүс нутгаар Ази тив тодорч байна. Тухайлбал, Индонезийн Медан хотод газар жилд дунджаар 33 мм-ээр, мөн тус улсын Бандунг хотод 22 мм-ээр тус тус доошилж байна. Судалгаанд хамрагдсан улс орнуудын дотроос Бангладешийн Читтагонг, Мьянмарын Янгон (Рангун) хотууд ч мөн газрын суултын хамгийн өндөр үзүүлэлттэй газруудын тоонд оржээ.

Ираны Исфахан хотод газар жилд 11 мм-ээр доошилж байгаа нь хотын хэмжээнд бүртгэгдсэн суултын дундаж үзүүлэлтүүдээс хамгийн өндөрт тооцогдох үзүүлэлтүүдийн нэг болж байна. Эрдэмтэд судалгаандаа "Газрын суулт нь Зүүн Өмнөд Ази, Баруун болон Төв Ази, Хойд Америкт хамгийн ноцтой түвшинд хүрээд байгаа бөгөөд Өмнөд Америк, Африк, Орос зэрэг өмнө нь хангалттай судлагдаагүй байсан бүс нутгуудад ч мөн ажиглагдаж байна" хэмээн тэмдэглэжээ. Мөн Зүүн Өмнөд болон Зүүн Азийн олон хотод газрын суултын хурд мэдэгдэхүйц саарч байгааг бид илрүүлсэн. Гэсэн хэдий ч эдгээр бүс нутаг дахь томоохон хот суурин газруудад суулт улам эрчимжсээр байна" гэж дурдсан байна. Харин  Монтевидео, Неаполь зэрэг хотуудад газрын хөдөлгөөн харьцангуй тогтвортой байгааг судлаачид онцолжээ. Эдгээр хотуудад газрын суултын хурд жилд 0.1-ээс 1.9 мм-ийн хооронд хэлбэлзэж байна. Ерөнхийдөө хөгжиж буй орнуудын хотуудад газрын суулт хөгжингүй орнуудын хотуудтай харьцуулахад илүү хурдацтай явагдаж байгаа нь ажиглагджээ.