БНХАУ-ын Нүүрсний тээвэр, ханган нийлүүлэлтийн холбооны мэдээллээс харвал томоохон боомтуудад нүүрсний нөөц өмнөх оны мөн үеэс гурав дахин өндөр байна. Шинжээчид үүнийг нүүрсний үнийн уналт цаашид ч үргэлжлэх дохио гэж харж байгаа юм.

Хэрэв тонн нүүрсний 400 юаниас унавал тус улсын дийлэнх компаниуд алдагдал хүлээж магадгүй гэж “Блумберг”-ийн тооцоололд дурджээ. БНХАУ-д нүүрсний олборлолтоор тэргүүлдэг “Чайна Шенху Энержи” компанийн тухайд ашиг нь буурсан гэдгийг энэ долоо хоногийн эхээр мэдээлсэн юм. Үүнээс улбаалан гадаадын нүүрсний захиалгыг зогсоосон гэдгийг компанийн мэдэгдэлд дурджээ.

Чухам үүнээс шалтгаалан Монгол зэрэг улсаас татан авах нүүрсээ бууруулаад байгаа ч гадаад зах зээлд нүүрсний үнэ буурах шалтгаан болсон гэдгийг шинжээчид дүгнээд байна.