Өнгөрсөн оны сүүлээр дайны онц байдал зарлаж, улс орноо богинохон хугацаанд бужигнуулж орхисон БНСУ-ын Ерөнхийлөгч Юн Сүк Ёлийг баривчлах зөвшөөрлийг тус улсын Дээд шүүхээс олгосон ч хэдэн долоо хоногийн турш яаж ч чадаагүй. Харин өчигдөр орой Өмнөд Солонгосын авлигатай тэмцэх газрынхан түүнийг гэрээс нь баривчилжээ. Ингэхдээ 80 гаруй цагдаагийн албан хаагчийг дайчилсан байна. Удаан “гүрийсэн” Юн Сүк Ёль нь буруу шийдвэрийнхээ улмаас Ерөнхийлөгчийн албан үүргээсээ хусагдаж, бүх насаар нь хорих эсвэл хуулийн дээд хэмжээ сонсож магадгүй тун хүндхэн байдалд орсон. Авлигатай тэмцэхийнхэн удтал хичээл зүтгэл гаргасны эцэст арайхийн Ерөнхийлөгчөө баривчилсан боловч зөвшөөрлийн бичгийн дагуу Юн Сүк Ёлийг 48 цаг саатуулах боломжтой.