Нийгэм

Орон нутгийн иргэдийг төмөр замчны мэргэжлээр сургаж, ажлын байраар хангана

51 мин өмнө
“Монголын төмөр зам” ТӨХК говийн бүсийн хөгжлийг дэмжих, орон нутгийн иргэдийг тогтвортой ажлын байраар хангах, төмөр замын мэргэжлээр сурган бэлтгэх зорилгоор “Говьдоо ажиллая” нээлттэй өдөрлөгийг зохион байгуулж байна.
Өмнөговь аймгийн иргэдтэй үе шаттай зохион байгуулах тус өдөрлөгийн эхний уулзалт Номгон суманд болж, орон нутгийн иргэдийг хүлээн авч уулзлаа.
Өдөрлөгийн үеэр ачаа вагон хүлээлцэгч, өртөөний жижүүр, галт тэрэгний найруулагч, замчин, вагон үзэгч-засварчин, зүтгүүрийн туслах машинч зэрэг төмөр замын зургаан мэргэжлээр сурган бэлтгэх сонгон шалгаруулалтад оролцох иргэдийг бүртгэж байна. Мөн компанийн үйл ажиллагаа, төмөр замын мэргэжлүүдийн онцлог, цаашид хэрэгжүүлэх төсөл, хөтөлбөрүүд болон ажлын байрны боломжийн талаар мэдээлэл өглөө.
Тус ажлын хүрээнд орон нутгаас 400 иргэнийг төмөр замын мэргэжлээр сурган бэлтгэж, ажлын байраар хангахаар төлөвлөж байна.
“Говьдоо ажиллая” нээлттэй өдөрлөг есдүгээр сарын 28-ныг хүртэл үргэлжилнэ.

Холбоотой мэдээ

Т.Жамбалцэрэн: Монгол малчид дөрвөн улирлын онцлогт тохируулан бэлчээр сэлгэж, бэлчээрийг амрааж, хөрсийг нөхөн сэргээх боломж бүрддэг
ЭЗБХ: Чингис хаан олон улсын нисэх буудлын өргөтгөлийн төслийн зээлийн гэрээний төслийг зөвшилцөхийг дэмжлээ
Сайд Э.Бат-Амгалан орон сууцны үнийг зохиомлоор хөөрөгдөж байна

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0