Тэд хоёул “Chung Ang” их сургуулийн театр урлагийн тэнхимд суралцсан бөгөөд кино урлагийн салбарт хүчин зүтгэж буй ижил сургуулийн төгсөгчид гэдэг утгаараа анх найзууд болцгоосон гэдэг. Түүнчлэн тэд хоёулаа жүжигчний карьераа бага наснаасаа эхлүүлсэн бөгөөд Пак Шин Хегийн хувьд 13 насандаа “Stairway to Heaven” (2003), Че Тэ Жүүний тухайд 10 настайдаа “Piano” (2001) цувралд дүр бүтээжээ. 

Тэдний гол дүр бүтээсэн алдартай цувралуудаас дурдахад “You Are Beautiful” (2009), “The Heirs” (2013), “Doctors” (2016), “Missing 9” (2017), “Suspicious Partner” (2017) зэрэг бүтээлийг нэрлэж болох юм. Тэд 2012 онд үзэгчдийн хүртээл болж байсан “The King of Drama” инээдмийн цувралд зочин дүрээр оролцож, дэлгэцийн бүтээлд анх удаа хамтран тогложээ.