Гэр бүл, хөдөлмөр, нийгмийн хамгааллын яам, Монголын үйлдвэрчний эвлэлийн холбоо, Монголын ажил олгогч, эздийн холбоодын хамтарсан Хөдөлмөр, нийгмийн түншлэлийн үндэсний хорооны хурлаар хөдөлмөрийн хөлсний доод хэмжээг нэмэгдүүлэхээр шийдвэрлэжээ. Ингэснээр ирэх 2025 оны дөрөвдүгээр сарын 1-ний өдрөөс хөдөлмөрийн хөлсний доод хэмжээг 20% нэмэгдүүлж, 792 мянган төгрөг болох юм.

Мөн түүнчлэн 2026 оноос эхлэн хөдөлмөрийн хөлсний доод хэмжээг нэг саяд хүргэх санал гаргажээ. Цаашид Монгол Улс бүтээмж дагаж цалин нэмэгддэг тогтолцоо руу шилжих ёстой гэж үзэж байна. Энэ оны нэгдүгээр сарын 1-ний өдрөөс хөдөлмөрийн хөлсний доод хэмжээ нэмэгдэж, 660 мянган төгрөгт хүрээд байсан билээ.

Монгол Улсын тухайад хөдөлмөрийн хөлсний доод хэмжээг гурван талын байр суурийг харгалзан хэлэлцээрийн журмаар тогтоодог. Ингэхдээ ажил олгогчдод ашигтай байдлаар тогтоодог тул цаашиад аижл олгогч болон ажилтны эрх ашгийг тэгш хангах түвшинд хөдөлмөрийн хөлсний доод хэмжээг тогтоох ёстой гэж олон улсын байгууллагууд зөвлөж байна.

Олон улсын хөдөлмөрийн байгууллагын тодорхойлсноор “Хөдөлмөрийн хөлсний доод хэмжээ” нь цалин хөлсний хуваарилалтын хамгийн доод хэсэгт байгаа ажилчдыг хамгаалах зорилгоор тогтоосон цалингийн бүтцийн суурь давхаргын хамгийн бага хэмжээ юм.