Хо Ши Мин хот нь сурагчдаас англи хэлний B1, B2 түвшний мэдлэг шаардах, өндөр чанартай улсын сургуулиудыг байгуулахаар төлөвлөж байгаа ажээ. Энэхүү шаардлага нь Вьетнамын ихэнх их, дээд сургуулиудын төгсөгчдөд тавьдаг шаардлагатай тэнцэх, эсвэл түүнээс ч өндөр үзүүлэлт юм. Хотын Боловсрол, сургалтын газраас  "Өндөр чанартай сургууль" гэдгийг одоо байгаа бусад сургуулийн загваруудтай харьцуулахад сургалтын чанар өндөр, багш нарын ур чадвар илүү сайн, боловсролын үр дүн илүү гарсан сургууль гэж тодорхойлж байна.

Жишээлбэл, ердийн цэцэрлэгийн багш нарт коллежийн диплом байхад хангалттай байдаг бол өндөр чанартай цэцэрлэгүүдэд багш нарын 70 хувь нь их сургуулийн болон түүнээс дээш зэрэгтэй байх шаардлагатай. Энэхүү ялгаа нь дунд болон ахлах сургуулиудад хамгийн тод харагдана. Тухайлбал, эдгээр сургуулийн бүх багш англи хэлээр харилцах чадвартай байх ёстой бөгөөд багш нарын дор хаяж 30 хувь нь Вьетнамын хэлний мэдлэгийн зургаан түвшний тогтолцооны 4-р түвшин буюу Европын хэлний нийтлэг тогтолцооны (CEFR) B2 түвшинд хүрсэн байх шаардлагатай. Ердийн сургуулиудад бакалаврын зэрэгтэй байхад хангалттай гэж үздэг бол эдгээр сургуулийн хувьд дунд сургуулийн багш нарын дор хаяж 85 хувь, ахлах сургуулийн багш нарын 60 хувь нь магистр эсвэл докторын зэрэгтэй байх ёстой.

Дунд сургуулийн сурагчид англи хэлний B1, ахлах сургуулийн сурагчид B2 түвшинд хүрэх шаардлагатай” гэжээ.  Вьетнамын хамгийн олон хүн амтай, 14 сая гаруй хүн амтай хот болох Хо Ши Мин хотод улсын сургуулиудаас гадна цэцэрлэгээс ахлах сургууль хүртэлх 80 гаруй сургууль аль хэдийн бүс нутгийн болон олон улсын интеграцийн дэвшилтэт загварыг хэрэгжүүлж байна.