Эдийн засаг ,Хөдөлмөрийн зах зээл

Ажилгүйдлийн тэтгэмж авагчдын тоо 20 хувиар нэмэгджээ

18 цаг 40 минут
Монгол Улсын эдийн засаг хүндэрч, аж ахуйн нэгжүүдийн үйл ажиллагаа доголдож эхэлснийг хөдөлмөр эрхлэлтийн статистик үзүүлэлтүүд харуулж байна. Статистикийн бизнес регистрийн сангийн мэдээллээр 2026 оны эхний хагас жилийн байдлаар улсын хэмжээнд нийт 263.4 мянган аж ахуйн нэгж бүртгэлтэй байгаагаас ердөө 116.8 мянга нь тогтмол үйл ажиллагаа явуулж байна. Харин үлдсэн 146.6 мянган аж ахуйн нэгж буюу 56 орчим хувь нь үйл ажиллагаа явуулахгүй, зогсонги байдалд оржээ.

Ханшийн савлагаа, инфляцын өсөлт, зээлийн өндөр хүү, татварын дарамт зэрэг нь бизнес эрхлэгчдэд хүндрэл учруулж, үйл ажиллагаагаа зогсооход нөлөөлж буй. Компаниуд эдийн засгийн нөхцөл байдлаас шалтгаалан хаалгаа барьснаар олон мянган хүн ажилгүйчүүдийн эгнээнд шилжиж байгаа. Үүнийг ажилгүйдлийн тэтгэмж авагчдын тоо илтгэж байна.

Тодруулбал, 2025 оны эхний есөн сард 28.2 мянган иргэн ажилгүйдлийн тэтгэмж авч байсан бол 2026 оны мөн үед энэ тоо 33.9 мянга давсан байна. Өөрөөр хэлбэл, тэтгэмж авагчдын тоо нэг жилийн дотор 5.7 мянга орчмоор буюу 20 орчим хувиар нэмэгджээ.

Холбоотой мэдээ

Ажилгүйдлийн тэтгэмж авагчдын тоо 20 хувиар нэмэгджээ
СЗХ: Жилийн 54 хувиас илүү хүүтэй зээл олгосон ББСБ-ын тусгай зөвшөөрлийг цуцална
​ТӨСӨВ2027: Хархорум хотын зөвлөлийн дарга Н.Энхбаярын төсвийг 2 дахин нэмэгдүүлнэ

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0