Өртэй хүн өөдөлдөггүйн жамаар гадаадын зээл, тусламжаар амь зуудаг улсад бусдын хараат байдлаас гарна гэж байхгүй. Гэтэл Монгол Улсын Засгийн газар жилээс жилд өрөө бууруулахын оронд зузаатгах бодлого баримталж ирэв. Засгийн газрын нийт өр сүүлийн 5 жилд 8.5 их наяд төгрөгөөр нэмэгдсэн гэдэг тоо мэдээлэл бий. Улмаар 2026 оны төгсгөлд 45.6 их наяд төгрөгт хүрэхээр байгааг Үндэсний аудитын газраас анхааруулсан байна.

Тэгвэл 2027 оны төсөвт өрөө үлэмж нэмэгдүүлдэг энэ байдал давтагдах нь ойлгомжтой болоод байна. Ерөнхий сайд Н.Учралын тэргүүлсэн Засгийн газар ирэх онд төсвийн зарлагыг 10 их наяд төгрөгөөр нэмэгдүүлж, Ерөнхийлөгчийн сонгуулийн “шоу”-тай уялдуулж буй. Жишээ нь, асар их өр үүсгэсэн “Оюутолгой” төслөөс 3 их наяд төгрөгийг ногдол ашиг нэрээр авч, сайд нарынхаа багцад үрэн таран хийхээр хуваан өгсөн. Дээр нь ирэх 2027 онд нэмж 11 их наяд төгрөгийн дотоод, гадаадын бонд, өрийн баталгаа, шууд зээл гаргаж Ерөнхийлөгчийн сонгуулийн сурталчилгааны санхүүжилт босгох гэж байна. Ийнхүү Монгол Улсын нэрийг барьцаалсны үндсэн дээр Засгийн газрын нийт өр 56.6 их наяд төгрөгт хүрэх тооцоог Үндэсний аудитын газраас гарсан. Өөрөөр хэлбэл, Засгийн газрын нийт өр Монгол Улсын нийт эдийн засгийн 50 хувьтай тэнцэх хэмжээнд хүрнэ гэсэн үг. 

Засгийн газар 2027 оны төсвийн төсөлд тусгаснаар: