ОХУ-ын Ерөнхийлөгч Владимир Путин Украинтай хиллэх хилийн шугамын дагуу хамгаалалтын бүс байгуулах шийдвэр гаргалаа. Зэвсэгт хүчний ерөнхий командлагчийн хувьд энэхүү санаачилгыг хэрэгжүүлэхээр цэргүүд ажиллаж байгаа аж.

Украинтай хиллэдэг Курск, Белгород, Бръянск зэрэг мужуудад сүүлийн үед болж буй үйл явдлыг харгалзан хамгаалалтын бүс байгуулж байгаа аж. Хамгаалалтын бүс бий болсноор дайсны халдлагад өртсөн хэсгийг сэргээн босгох, иргэдийн аюулгүй амьдрах нөхцөл бүрдүүлэх үйл ажиллагаа өрнөх юм. Хэрэв иргэдийн оршин суух нөхцөл хангагдаж, аюулгүй байдал тогтсон гэж үзвэл иргэдийг төрөлх тосгондоо буцаж ирэх ажлыг хийхээр төлөвлөж байна. Өнгөрсөн хоногуудад ОХУ-ын хилийн хотууд руу Украины талаас нисгэгчгүй дронын хэд, хэдэн халдлага үйлдсэн юм. ОХУ-ын Батлан хамгаалах яамны мэдээллээр өнгөрсөн шөнө Украины талаас 112 удаагийн дронын халдлага үйлджээ.