Монгол Ардын нам шинээр байгуулагдах Засгийн газрын бүрэлдэхүүнийг ирэх даваа гарагт хуралдах бага хурлын шийдвэрээр зарлахаар төлөвлөж байна. Үүнийг намын ойрын эх сурвалж мэдээлээд байна.

Энэ сарын 21-ний өдөр хуралдсан МАН-ын Бага хурлын VI хуралдаанаар хамтарсан Засгийн газрын гэрээг зөрчсөн гэж үзэн Засгийн газраас гаргахаар шийдвэрлээд байгаа юм. Үүний дараа өрнөсөн улс төрийн процессыг харвал Ардчилсан намын дарга Л.Гантөмөр “эрх баригчид итгэл алдлаа” гэж үзэн ямар ч тохиолдолд Ардчилсан намын сайд нар боломжит бүх бололцоогоо дайчлан ажилласан гэдгээ тодотгосон юм. Тэрбээр Ардчилсан намын даргын суудлаа өгнө гэдгээ мөн мэдэгдээд байна.

Одоогоор шинээр байгуулагдах Засгийн газар Үндэсний эвсэл, Иргэний зориг-Ногоон намын төлөөллийг багтаана гэж зарим хэвлэлүүд  мэдээлж буй ч одоогоор эцсийн шийдвэр гараагүй байгаа билээ.