Дорнод аймгийн Баян-Уул сумын Өвөр-Эрээн багийн “Бригадын төв” гэдэг газар 2026 оны 10 дугаар сарын 23-ны өдрийн 14:30 цагт хээрийн түймэр гарсан тухай дуудлага хүлээн авсан байна.
Түймрийн голомтод Хэнтий аймгийн Дадал сум дахь Хилийн 0287 дугаар ангийн 5 дугаар заставын 10 алба хаагч, 2 автомашинтай бүрэлдэхүүн түймрийн баруун, зүүн талаас унтраах ажиллагааг зохион байгуулан ажиллаж байна.
Онцгой байдлын газрын Баян-Уул сумын ГТУА 53 дугаар ангийн 8 алба хаагч, 1 автомашинтай түймрийн голомт руу хөдөлжээ. 
Иргэд та бүхэн галын аюулгүй байдлыг хангаж, ой, хээрийн түймрээс урьдчилан сэргийлж, сонор сэрэмжтэй байна уу!