Дэлхийн хамгийн том, хамгийн өгөөжтэй баялгийн сан гэгдэх Норвегийн баялгийн сан энэ оны эхний улиралд 40 тэрбум ам.долларын алдагдал хүлээснийг тайланд дурджээ. Геополитикийн нөхцөл байдлаас шалтгаалан технологийн салбарын хувьцаануудын ханш хэлбэлзэлтэй байсан нь алдагдалд нөлөөлсөн байна.

Энэ оны гуравдугаар сарын эцэст тус сангийн нийт хөрөнгө 18.5 их наяд крон хүрсний 70%-г үнэт цаас худалдан авахад зарцуулсан нь 1.6% алдагдал хүлээсэн гэж тайланд дурджээ. Цаашид хөрөнгө зах зээл ямар байхаас шалтгаалан алдагдал буурах эсэх нь шалтгаалах юм.

Норвегийн засаг захиргаа газрын тос, байгалийн хийн орлогыг хуримтлуулах зарчмаар 1990-ээд онд байгуулсан уг баялсгийн сан нь дэлхийн 63 улсын 8600 компанид хөрөнгө оруулсан байдаг. Үүгээрээ манай баялгийн сангаас тэс ондоо. Учир нь тухайн хуримтлуулсан хөрөнгийг бэлэн болон бэлэн бусаар иргэдийн дансанд байршуулахаас илүүтэй хөрөнгийн зах зээлийн өгөөж бүхий хувьцаануудад хөрөнгө оруулснаар баялсгийн сангийн орлого улма өсжээ. Та бүхний сайн мэдэх “Мета” болон “Амазон”, “Тесла”, “Майкрософт” зэрэг томоохон хувьцаа эзэмшигч нь Норвегийн баялгийн сан юм.