ОХУ-ын нийслэл Москва хотод орон нутгийн цагаар дөрөвдүгээр сарын 16-ны өдрийн 14:00 цагт агаарын температур цельсийн 21.2 хэмд хүрлээ. Хамгийн сүүлд 1920 оны дөрөвдүгээр сард агаарын хэм цельсийн 21.0-д хүрч байжээ. Температурын тодорхой утга европын цагаар 21:00 цагт тодорхой болох аж.

Москва хотын агаарын хэм маш хэлбэлзэлтэй байна. Ердөө арав хүрэхгүй хоногийн өмнө 10 см хүртэл цас дарж, агаарын температур 16 хэмд хүрч хүйтэрч байсан юм. Цаг уурын нөхцөл байдал ийнхүү огцом эргэж байгаа нь иргэдийн хэвийн амьдралыг алдагдуулж байгаа аж. Эрдэмтэд үүнийг уур амьсгалын өөрчлөлттэй холбон тайлбарлаж байна.

Сүүлийн жилүүдэд зөвхөн Орос ч бус европын хэд, хэдэн улсад хамгийн халуун температур бүртгэгдэх болсон. Түүгээр ч зогсохгүй агаарын хэлбэлзэл ихээхэн ажиглагдах болсныг эрдэмтдийн судалгаанд дурджээ.