“Сименс” компанийн захирал Агустин Эскобар эхнэр гурван хүүхдийн хамтаар нисдэг тэрэгний ослоор амиа алджээ. Тэрбээр жуулчлалын шугамаар АНУ-д ирээд байсан бөгөөд аялал жуулчлалын компанид хандан хотыг дээрээс нь харахаар нисдэг тэрэг хөлсөлсөн байж. Улмаар нисдэг тэрэг осолдож нисгэгч болон гэр бүлийн таван хүн амиа алдсан байна.

Орон нутгийн цагаар дөрөвдүгээр сарын 10-ны 15:17 цагт 911-т дуудлага ирж улмаар аврах багийнхан Хадсон голд хүрэлцэн иржээ. Аврагчид шуурхай ажиллагаа хийсэн ч нэг ч хүнийг аварч чадаагүй байна. Ослдсон дөрвөн хүн газар дээрээ нас барсан бол хоёр хүүхдийг Жерси хотын эрүүл мэндийн төвд хүргэсэн ч сэхэл авахгүй байсаар амьсгал хураажээ. Одоогоор нисдэг тэрэгний ослын дүгнэлт хийхэд эрт байгаа бөгөөд ослын шалтгаан нөхцөлийг тогтоохоор ажиллаж байгаа аж.

Осолдсон нисдэг тэрэг нь “FlightRadar24” маркийн батлан хамгаалах салбарт ашиглагдаж байгаад 2016 оноос аялал жуулчлалын зориулалтаар ашиглах болсон байна. Холбооны нисэхийн удирдлагын бүртгэлд дурдсанаар 2029 он хүртэл ашиглах зөвшөөрөлтэй байжээ.