Даваа арилжаа нээхэд Ази тивийн томоохон хувьцаанууд уналттай гарчээ. Тухайлбал Японы Никкей индекс 6% уналаа. Энэ нь хамгийн сүүлд 2023 оны сүүлээр ийм түвшинд хүрч унаж байв. Харин Өмнөд Солонгосын хувьцаанууд 5%, Хятадын хувьцаанууд 4.4%, Тайванийн арилжааны нэгдүгээр сагсны хувьцаанууд бараг 10% уналаа. Ази, номхон далайн бусад улс орнуудын индекс дунджаар 3.6% унаад байна. Тайванийн хувьд уналтын түвшин огцом байгаа тул тогтворжуулах арга хэмжээ авах эсэхийг Засгийн газар нь хэлэлцэж эхэлжээ.

Ийнхүү унах болсон шалтгаан нь Трампын тарифын дайнтай холбоотой. Мөн дээрээс нь Цагаан ордон ойрын хугацаанд тарифын бодлогоо эргэн харахгүйгээр барахгүй цуцлахгүй гэдгээ илэрхийлсэнтэй холбоотой байна. Үүнээс шалтгаалан хөрөнгө оруулагчдын дунд АНУ-ын Холбооны нөөцийн банк бодлогын хүүг буулгах болов уу гэсэн хүлээлт үүсээд байгаа юм.