БНХАУ-ын Ардын чөлөөлөх арми Тайванийн агаар, усан хилийн орчимд цэргийн өргөн хүрээний сургууль зохион байгуулжээ. Энэхүү сургуульд нисэх хүчин, агаарын болон пуужингийн хүчин оролцсон байна. Хятадын Ардын чөлөөлөх армийн дорно командлалын мэдээлснээр уг сургууль  “Тайванийн тусгаар тогтнолын эсрэг, хатуу сэрэмжлүүлэг өгөх зорилготой” гэж тодорхойлжээ. Цэргийн сургууль тодорхой нэг нэршлийн дор зохиогдоогүй байна.

Тайванийн дотоод хэрэгт АНУ оролцож байгааг Хятадын зүгээс хүчтэй эсэргүүцдэг бөгөөд ойрын хугацаанд Тайванийг эх газрын Хятадтай энхийн замаар нэгтгэх зорилго тавиад байгаа юм. Тайванийн Ерөнхийлөгчийн тамгын газар үүнийг цэргийн илт өдөөн хатгалга гэж үзэж буйгаа илэрхийлжээ.

БНХАУ-ын арми өнгөрсөн долоо хоногт Австрали, Шинэ Зеландын ойролцоо цэргийн сургууль зохион байгуулсан нь ихээхэн маргаан дагуулсан. Австрали, Шинэ Зеландын талд урьдчилсан сануулаагүй энэхүү цэргийн сургуулиас болж арилжааны нислэгүүд чиглэлээ өөрчлөхөөс өөр аргагүйд хүрсэн юм.