АНУ-ын Ерөнхийлөгч Дональд Трамп “Цагаан ордон"-д буй 200 жилийн настай модыг буулгаж, өөр газар шилжүүлнэ гэдгээ зарлалаа. Учир нь хэзээ мөдгүй ургалт нь зогсож, үхэх магадлалтай болсон тул ийнхүү зохистой газар нь нүүлгэх шийдвэр гаргажээ. Өмнөдийн замбага мод нь Цагаан ордны барилгын урд талын муруй хаалганы дэргэд, гадаадын зочид төлөөлөгчдийг угтан авдаг хэсэгт ургасан байсан юм.

Энэхүү модыг АНУ-ын Ерөнхийлөгч Эндрью Жексон 1820-иод оны үед “Цагаан ордон”-д тарьсан юм. Дональд Трампын анхны бүрэн эрх хэрэгжиж байхад уг модыг нэлээд тайрсан. Гэхдээ үүнээс өмнө 1997 онд “Цесна” загварын онгоц осолдоход багагүй сүйдэж байсан билээ.

Дональд Трамп мэдэгдэлдээ “Цагаан ордны өнгө үзэмжид сөргөөр нөлөөлж байгаа тул нүүлгэх шийдвэр гаргасан. Тэгээд ч хэзээ мөдгүй үхэх аюултай байгаа. Удахгүй өөр үзэмжтэй модоор солино. Өмнөдийн замбага модыг илүү эрхэм зорилгод ашиглаж болох юм” гэжээ. Модыг буулгах ажил ирэх долоо хоногт эхлэх юм. Олон нийт түүний энэ шийдвэрийг ихээхэн дургүйцэж хүлээн авч байна.