БНХАУ-ын засаг захиргаатай “тэрсэлж” олон жил олны нүдэнд харагдаагүй Жек Ма БНХАУ-ын дарга Ши Жиньпинийн зохион байгуулсан уулзалтад оролцжээ. Оролцоод зогсохгүй БНХАУ-ын даргатай гар барьж буй зураг нь нийгмийн сүлжээний тренд сэдэв болоод байна. Үүнийг барууны хэвлэлүүд БНХАУ-ын засаг захиргаа хувийн секторт тэр дундаа, технологийн салбарт онцгойлон анхаарч байгаагийн илрэл гэж дүгнэж байна. Яг энэ үйл явдалтай зэрэгцээд түүний үүсгэн байгуулсан “Алибаба” компанийн хувьцаа өсжээ.

Одоогоос таван жилийн Жек Ма олон нийтийн үйл ажиллагаанд харагдахаа болж сураг алдарсан юм. Тэрбээр “алга болохоос” өмнө Хятадын төрийн үйл ажиллагааг эрс шүүмжилж, санхүүгийн салбар олон жилээр хоцрогдсон байгааг ил тод ярьж байлаа. Удалгүй Хятадын засаг захиргаа технологийн салбарыг хэт монополь байна гэж үзэн задлах бодлого баримталж, улмаар Жек Ма “Алибаба”-гийн хувьцааг төрд шилжүүлэхээс өөр аргагүй нөхцөл байдал үүссэн юм. Төрийн томоохон уулзалтад оролцсоны дараа түүнийг Хятадын технологийн салбарт эргэн ирж магадгүй гэж таамаглаж байна.