Засгийн газрын хуралдаанаар хэдхэн хоногийн өмнө яригдаж байсан Хөдөө аж ахуйг дэмжих санд Эрүүгийн цагдаагийн албанаас шалгалт оруулжээ. Шалгалтаар сүүлийн жилүүдэд олон зуун иргэн, аж ахуй нэгж 260 тэрбумаар хэжигдэх нэн хөнгөлөлттэй авсан ч эргэн төлөөгүй нь тогтоогдсон байна. Хүнс, хөдөө аж ахуй, хөнгөн үйлдвэрийн яамны харьяа тус сангаас мөнгө авсан зээлдэгчдийг мөн л улс төр, бизнесийн салбарынхан тэргүүлсэн талаар эх сурвалжууд мэдээлэв. Тухайлбал,  Ерөнхийлөгч асан Х.Баттулга, Боловсролын сайд асан Лу.Гантөмөр, УИХ-ын гишүүн Б.Пүрэвдорж, нийслэлийн МАХН-ын дарга Э.Эрдэнэжамъян нарын улстөрчид, “Шунхлай холдинг” компаний захирал П.Батсайхан, Камертон хамтлагийн дуучим Тариаланчдын холбооны идэвхтэй гишүүдийн нэг Б.Эрдэнэбат нарын олны танил хүмүүсийн хамааралтай компаниуд их хэмжээний зээл авсан байна. Мөн Хөдөө аж ахуйн сангийн захирлаар ажиллаж байсан С.Нямсүрэн, Төв аймгийн Хөдөө аж ахуйн газрын дарга Н.Гантулга нарын удирдлагууд ажиллаж байгаа байгууллагынхаа хөрөнгийг тонон, дээрэмдсэн зэрэг хэрэг урьдчилсан байдлаар тогтоогджээ.