ОХУ Украинд халдан довтолсноос гурван жилийн дараах байдлаар инфляци, хомсдол, бэлэн мөнгөний нөөц шавхагдсанаар Владимир Путиний эдийн засаг хямарч дайны явцыг тушиж эхэлснээр үнэнд гүйцэгдлээ гэж эдийн азсагч, зохиолч Андерс Аслунд дүгнэжээ. Үүнд нөлөөлсөн олон хүчин зүйлсийн нэгд хувийн салбаруудыг хаан боомилсныг заавал дурдах ёстой. Өсөлт муутайгаас үүдэн мөнгөний ханш унаж, инфляцид хөтлөх шууд шалтгаан болсон гэж тэрбээр энэ сарын 14-нд гарсан Прожет Синдикатын шинэ дугаарт цохон тэмдэглэжээ.

Жишээ нь, өнгөрсөн оны арваннэгдүгээр сард ОХУ-д инфляцийн түвшин 8.5%-тай байсан бол ганцхан сарын дараа гэхэд 9.5% болж өссөн бол өнгөрсөн есдүгээр сарын байдлаар бараа бүтээгдэхүүний үнэ 22%-иар нэмэгдсэн тухай хараат бус судалгааны пүүс РОМИР мэдээлжээ. Үүн дээр дайн явуулахад шаардлагатай батлан хамгаалахын зардал нэмэгдэж 31 тэрбум доллараас 117 тэрбум доллар болсон нь хэзээ ч нөхөж баршгүй эдийн засгийн алдагдалд хүргэсэн гэв.