Ерөнхийлөгчөөр сонгогдсон Дональд Трамп “Мар-а-Лаго” дахь эдлэндээ пүрэв гарагийн орой бодлогын хүрээлэнгийн үдэшлэг дээр жүжигчин Сильвестер Сталлоне түүнийг “Жорж Вашингтоны хойд дүр” хэмээн магтжээ. Тэрээр хэлэхдээ “Жорж Вашингтон амьдарч буй цаг үедээ шинэ Америкийг цаашлаад дэлхий ертөнцийг өөрчилнө гэдгээ төсөөлөөгүй байх. Харин Трамп мөн адил өөрийн замналаар, гаргасан амжилтаар бахархаж байгаа ч Америкийг, цаашлаад дэлхийг хэрхэн эерэгээр өөрчлөхийг бид мэдэхгүй. Ямар ч байсан тэр бол Жорж Вашингтоны хойд дүр” гэсэн байна.  

Энэхүү үдэшлэгт АНУ-ын ирээдүйн сайд нар, судлаачид, Трампыг тойрон хүрээлдэг Бүгд найрамдах намын хэд, хэдэн гишүүн оролцсон байна. Сильвестер Сталлоне хэдийгээр Бүгд найрамдах намын гишүүн биш ч гэсэн олон жилийн туршид Бүгд найрамдах намын улстөрчдийг дэмжсээр ирсэн нэгэн. Дональд Трампыг 2016 оны Ерөнхийлөгчийн сонгуульд өрсөлдөж байх үеэр түүнийг “амьдралын тод дүр” гэж зарлан, дэмжихээ илэрхийлж байсан билээ.