Өнгөрсөн амралтын өдрүүдэд ОХУ-д болсон Ерөнхийлөгчийн ээлжит сонгуулийн үед 22 сая хуурамч санал өгсөн гэсэн тооцоог математикийн аргаар боловсруулжээ. Өөрөөр хэлбэл 22 сая хуурамч саналын хуудсаар Владимир Путинд санал өгүүлсэн гэсэн үг юм. Ингэж тооцохдоо Сонгуулийн төв хорооны боловсруулсан нийт саналын 97 хувийн мэдээлэлд тулгуурлан математикч Сергей Шпилкиний тооцооллыг ашиглажээ.

Эхний тооцооллоор хуурамч саналын тоо 31.6 сая гэж гарсан ч сүүлд онлайн санал хураалтын дүн болон Москвагийн саналын хуудсыг тооцооллоос хасаж улмаар 22 сая хуурамч саналын хуудас байсан гэж дүгнэсэн байна.

Өнгөрсөн сонгуульд цахим санал өгөгчдийн тоог оруулахгүйгээр тооцвол нийт 74.5 сая хүн санал өгсөн юм. Сонгуулийн төв хорооны мэдээлэлд үндэслэбэл тэдний 64.7 сая нь Владимир Путинд саналаа өгчээ. Хэрэв сонгууль үнэхээр шударга болсон бол тэргүүлсэн  нэр дэвшигч болон бусад бүх нэр дэвшигчийн саналын хуваарилалт ижижл байх ёстой бөгөөд саналын тоо сонгогчдын үнэмлэхүй утгаас ялгаатай байх ёстой. Гэтэл сая болж өнгөрсөн сонгуулиар ийм зүйл ажиглагдаагүй байна.