Албанийн Ерөнхий сайд Эди Рама ойрын хугацаанд төрийн худалдан авах ажиллагааг хиймэл оюунд суурилна гэдгийг НҮБ-ын индэр дээрээс зарлалаа. Тус улс ойрын 10 жилд багтаж төрийн худалдан авах ажиллагааны системийн 95 хувийг хиймэл оюунд суурилсан байхаар төлөвлөж байна.

Албанийн Засгийн газар 2022 оны тавдугаар сарын 01-ний өдрөөс эхлэн цахим Албани порталаар дамжуулан татварын төлбөрийг онлайнаар төлөх, төрийн үйлчилгээг авах, түүнчлэн төрийн байгууллагуудын нэг цэгийн цонхны үйл ажиллагааг зогсоосон юм. Ийнхүү цахим Албани хөтөлбөрийг хэрэгжүүлэх нь Европын холбоонд элсэх чухал шалгуур шаардлагуудын нэг юм.
Цаашид мэдээллийн аюулгүй байдлыг улам чангатгаж ойрх дорнодын улс орнуудын аливаа халдлагаас хамгаалах систем бий болгоно гэдгээ тус улсын Ерөнхий сайд онцолсон байна.