БНХАУ-ын Зүүн өмнөдийн их сургуулийн эрдэмтэд цемент-гидрогелийн нийлмэлээр боловсруулсан цемент зохион бүтээжээ. Ингэснээр дулааны энергийг хуримтлуулж цахилгаан болгон хувиргах боломжтой болжээ. Ургамлын ишнээс санаа аван бүтээсэн энэхүү материал нь бусад −40.5 мВ/К-ийн эрчим хүч ялгаруулж байгаа нь одоо мэдэгдэж байгаа цахилгаан ялгаруулах материалуудаас даруй 10 дахин илүү гэдгийг судалгаа харуулж байна.

Цемент нь бүтцийн хувьд байгалийн цахилгаан бий болгох чадвартай. Гэхдээ хэрэглээнд ашиглахад дэндүү сул байсан. Учир нь өтгөн цементийн матриц нь йонуудын шилжилтийг хязгаарладагтай холбоотой. Үүнийг шийдэхийн тулд судалгааны баг олон давхаргат бүтэц бий болгоод уламжлалт цементийг поливинил спиртийн гидрогрелтэй нийлүүлснээр эрчим хүч ялгаруулах боломжтой болгожээ.

Энэхүү материал нь зөвхөн эрчим хүч ялгаруулаад зогсохгүй, хуримтлуулдаг гэдгээрээ онцлог. Үүнийг ашиглан зам гүүрэн байгууламжууд эрчим хүчээ өөрсдөө хангаж, тэр ч бүү хэл утасгүй төхөөрөмжүүдийг эрчим хүчээр хангах боломжтой болох. Ялангуяа цахилгаан автомашинуудыг замын системтэй холбох ч боломж бүрдэнэ гэсэн үг.

Хятадын их сургуулиуд 2020-иод оноос эхлэн нүүрс төрөгч бага ялгаруулдаг цемент, байгальд ээлтэй цементийн судалгаанд ихээхэн анхаарч хөрөнгө хаях болсон билээ.