Хичээлийн шинэ жил, Эх хэлний өдрийг тохиолдуулан “Эх хэлний дархчууд” үзэсгэлэн дэлгэгдлээ.

Монголын Үндэсний номын сангийн шинэ салбарын үзэсгэлэнгийн танхимд “Эх хэлний дархчууд” үзэсгэлэн нээлтээ хийж, эрдэмтэн зохиолчдын гар бичмэл, хөрөг, гэрэл зураг болон ном бүтээлийн дээжсийг дэлгэн толилуулж байна.

Тухайлбал, Б.Ринчен, Д.Нацагдорж А.Эрдэнэ-Очир, Л.Мягмарсүрэн, Ш.Лхамноржмаа, А.Лхагва нарын зохиолчийн зохиолын гар бичмэл эх, уран сайхны хөрөг зураг, ном бүтээл болон МЗЭ-ийн зурагчин Бат-Очирын 1990-ээд оны эхээр буулган хадгалсан 380 гаруй хальснаас түүвэрлэсэн 400 гаруй гэрэл зургийг уншигч олны хүртээл болгож байна.

Үзэсгэлэн есдүгээр сарын 13-ныг хүртэл МУҮНС-ийн Салбар номын сангийн Үзэсгэлэнгийн танхимд үнэ төлбөргүйгээр гарна гэж Монгол Улсын Үндэсний номын сангаас мэдээллээ.