АНУ-ын сансар судлалын НАСА агентлагаас Ангараг гарагийг судлахаар илгээсэн Персевиренс өөрөө явагч төхөөрөмж бул чулуугаар дүүрсэн замыг товчилж явахдаа харчирхалтай зүйлстэй таарчээ. Улаан нүдэн гараг дээр огт ажиглагдаж байгаагүй өвөрмөц сонин чулуунуудтай ийнхүү таарсан нь дэлхий сансар судлалын эрдэмтдийн гайхшийг бараад байна. Персевиренс өөрөө явагч нь гурван жилийн өмнө тус гараг дээр газардсанаасаа хойш дөрөв дэх шатны аялалдаа гарч нэгэн цагт Хезеро тогоонд цутгадаг байсан Неретва Валлис хэмээн нэрийдсэн голын хатсан савын сувгийг судлах даалгавартай хөдөлжээ. Өөрөө явагчийн автомат навигацын системийн тодорхойлсон саад бартаа багатай замаар урагшилсаар чулуугаар бүрхэгдсэн толгой дээр гарахад маш өврөмөц орчинд яваад орчихжээ. Ингээд өөрөө явагчаас дэлхий рүү илгээсэн зургийг шинжилж үзэхэд өнгөрсөн гурван жилийн хугацаанд эрдэмтдийн ажиглаж ирсэн дан ижил төрлийн чулуунаас эрс ялгарсан цайвар өнгөтэй өвөрмөц чулууны дүрс үлджээ. Эрдэмтэд уг чулууны зургаас харахад бүтцийн хувьд эргэн тойрныхоо чулуунуудаас эрс өөр гэж мэдэгдэж байна. Зурагт шинжигээ хийж үзээд өвөрмөц бүтц, үзэмж бүхий уг чулуу нь 18 инч өргөн, 14 инч өндөр аж. Бүтцийн хувьд пироксин, хайлуур жонш зэргээс бүтсэн бөгөөд газрын гүнээс ундарсан халуун магмаас гаралтай гэх таамгийг дэвшүүлжээ. Магадгүй эрт цагт голын урсгал усанд туугдан тэр хэсэгт хүрсэн байж болзошгүй гэж зарим эрдэмтэд таамаглаж байна.