Дорнод аймгийн Баяндун сумын Түргэн багийн малчин Г.Шижиртуяаг эрэн хайх ажиллагааг түүний төрсөн охины хүсэлтээр 10 дугаар сарын 19-ний өдрөөс түр зогсоогоод байсан. Аймгийн Засаг дарга Ш.Ёл өнөөдрөөс эрэн хайх ажиллагааг дахин эхлүүлэх үүрэг, чиглэлийг Дорнод аймгийн Цагдаагийн газрын дарга, хурандаа П.Мөнхбаяр, Зүүн бүсийн төв Дорнод аймгийн Онцгой байдлын газрын дарга, хурандаа Б.Мягмардорж, Баяндун сумын Засаг дарга Х.Батбаатар нарт өглөө. Мөн өнөөдөр аймгийн ЗДТГ-ын Хууль, эрх зүйн хэлтсийн дарга Ц.Баяржаргалаар ахлуулсан ажлын хэсэг тус суманд ажиллах бөгөөд эрэн хайх ажиллагааг нэгдсэн удирдлагаар хангаж, уялдаа холбоог сайжруулан ажиллахыг аймгийн Засаг даргын орлогч Ч.Ганбатад үүрэг болголоо. Эрэн хайх ажиллагааг эрчимжүүлэх хүрээнд хүн хүчний нөөцийг нэмэгдүүлж, үнэрч нохой болон дрон ашиглан хайх ажиллагааг өргөжүүлэхээр шийдвэрлэлээ. Аймаг, орон нутгийн зүгээс эрэн хайх ажиллагаанд шаардлагатай бүх талын дэмжлэгийг үзүүлж, холбогдох байгууллагуудын хамтын ажиллагааг ханган ажиллах юм. Алга болсон эмэтэйг эрэн хайх ажиллагааг анх 2026 оны аравдугаар сарын 8-ны өдрөөс эхлүүлсэн байдаг.