Нийгэм ,Бурууд нүд хурц

“Дарханы төмөрлөгийн үйлдвэр”-ийнхэнд хахууль өгсөн хүмүүсийг шүүхэд шилжүүллээ

1 цаг 16 минут
 
“Дарханы төмөрлөгийн үйлдвэр” ТӨХК-ийн удирдах албан тушаалтнуудад хахууль өгсөн хэрэгт холбогдсон аж ахуйн нэгжийн захирлуудад Нийслэлийн прокурорын газраас яллах дүгнэлт үйлдэн харьяалах анхан шатны шүүхэд шилжүүллээ.

Тодруулбал, тус үйлдвэрийн Стратеги, бизнес хөгжлийн газрын дарга асан Г.Эрдэнэсүхэд хүдэр худалдан авах гэрээ байгуулахын тулд “Хайрхантоб” болон “Гэрлийн хурд” ХХК-ийн удирдах албан тушаалтан Д.Үнэнбат 140 сая төгрөгийн хахууль өгсөн хэрэгт холбогдсон юм. Д.Үнэнбатад Эрүүгийн хуулийн 22.5-1 дэх хэсгийн “Өөртөө давуу байдал бий болгох зорилгоор бусдад албаны чиг үүрэг, бүрэн эрх, албан тушаалын байдалтай нь холбогдуулан мөнгө өгсөн” гэх заалтыг үндэслэн НПГ-аас яллах дүгнэлт үйлдэн Дархан-Уул аймаг дахь Сум дундын анхан шатны шүүхэд хэргийг нь шилжүүлжээ.

Мөн Г.Эрдэнэсүх болон “Дарханы төмөрлөгийн үйлдвэр” ТӨХК-ийн гүйцэтгэх захирал асан Г.Дугаржав нарт баяжуулах үйлдвэрээс нь гарсан завсрын бүтээгдэхүүнийг худалдах, худалдан авах тухай гэрээг шуурхай батлуулж, уг гэрээний дагуу уул уурхайн бүтээгдэхүүнийг тээвэрлэх зорилгоор “Мандахгранд”, “Хулагухолдинг” ХХК-ийн хувьцаа эзэмшигч Б.Хатанзориг 40,000 ам.доллар буюу 135.7 сая төгрөгийн хахууль өгсөн хэрэгт холбогдсон юм.

Б.Хатанзоригт дурдсан зүйл заалтын дагуу яллах дүгнэлт үйлдэж, гэм буруутай, эсэхийг нь дэнслүүлэхээр Баянгол, Хан-Уул, Сонгинохайрхан дүүргийн эрүүгийн хэргийн анхан шатны тойргийн шүүхэд шилжүүлсэн байна.

Холбоотой мэдээ

CITIES BATTLE – 2026 халз барилдаан болж байна
АТГ: Эрүүгийн 24 хэргийг шүүхэд шилжүүлэх саналтай прокурорын байгууллагад хүргүүлэв
Хөгжлийн бэрхшээлтэй иргэд болон тэдний асран хамгаалагчдад ШТС-ууд дараалал харгалзахгүй үйлчилнэ

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0