Шүгэл үлээгч

Гараашны татварын асуудал чуулганы босго давах болзлыг хангалаа

1 цаг 13 минут
Гараашнаас жил бүр нэг хувийн татвар авахыг эсэргүүцсэн цахим өргөдөлд 100,379 иргэн гарын үсэг зуржээ. Үл хөдлөх эд хөрөнгийн албан татварын тухай хуульд 2024 онд оруулсан өөрчлөлтөөр дулаан гарааш жилийн нэг хувийн татвартай болсон. Тухайлбал, 40 сая төгрөгийн гарааштай хүн жил бүр 400 мянган төгрөг татварт төлж байгаа юм. Нийслэлийн хэмжээнд бүртгэлтэй 65,000 гаруй гарааш байдаг гэж үзвэл энэ чамгүй мөнгө болно.

Худалдааны үнэгүй.мн сайтад нийтэлсэн зараас үзвэл Хан хилс хотхонд нэг зогсоолын үнэ 75 сая төгрөг, One Residence хотхонд 120 сая төгрөг байгаа бол Нисэх гарден хотхонд 35 сая төгрөгийн үнэтэй байна. Улаанбаатар хотод байршлаасаа шалтгаалан дулаан авто зогсоолын үнэ 25-150 сая төгрөгийн үнэтэй байгаа юм. Тэгэхээр 65 мянган зогсоолоос дор хаяж 25 тэрбум төгрөг улсын төсөвт цугларч буй гэсэн үг.

Иргэн О.Батхүү “Гарааш, авто зогсоолыг ашиг олох зорилгоор бус, хувийн болон гэр бүлийн хэрэгцээнд ашиглаж байгаа тул татвар ногдуулах нь зохимжгүй” гэж үзэн parliament.mn сайтаар дамжуулан гарааш, авто зогсоолоос авах үл хөдлөх хөрөнгийн албан татварыг чөлөөлөх хуулийн өөрчлөлтийн санаачилсан. Харин өдгөө тус санаачилга 100 мянга гаруй иргэний дэмжлэг аваад байна. Ингэснээр УИХ-ын чуулганы босго давах болзлыг хангаж байгаа юм. Хэрэв парламентын гишүүд иргэдийн хүсэлтийн дагуу хуульд өөрчлөлт оруулбал авто зогсоол үл хөдлөх хөрөнгийн албан татваргүй болох билээ.

Холбоотой мэдээ

CITIES BATTLE – 2026 халз барилдаан болж байна
АТГ: Эрүүгийн 24 хэргийг шүүхэд шилжүүлэх саналтай прокурорын байгууллагад хүргүүлэв
Өнөөдөр эмэгтэйчүүдийн 50, 57, 65, 76 кг-ын жин дэх урьдчилсан шатны барилдаанууд явагдана

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0