“Төрийн мөнгө уйлдаггүй” гэдэг үг Шилэн дансны тухай хууль гарснаар халагдсан гэдэг. Уг хуулийн дагуу нийтийн албан тушаалтан татвар төлөгчдийн мөнгийг хэрхэн зарцуулснаа олон нийтэд ил тод тайлагнаж байх үүрэгтэй.

Хууль зөрчсөн албан тушаалтанд Төрийн албаны тухай хууль болон Хөдөлмөрийн тухай хуулийн дагуу дараах шийтгэлийг шат дараалан оноодог. Тухайлбал,
 
Сануулах: Эхний удаа хугацаа хоцроосон эсвэл мэдээлэл дутуу оруулсан бол.

• Цалин хасах: Албан тушаалтны үндсэн цалинг тодорхой хувиар, хэдэн сарын хугацаагаар бууруулах.
• Албан тушаал бууруулах буюу халах: Шилэн дансны мэдээллийг санаатайгаар нуун дарагдуулсан, удаа дараа хууль зөрчсөн нь тогтоогдвол ажлаас халах хүртэл арга хэмжээ авдаг.

Гэтэл Монгол Улсын хуулийг мөрдүүлэхэд манлайлал үзүүлэх ёстой төрийн өндөр албан тушаалтнууд Шилэн дансны хөтлөлтөө огт хийдэггүй гэдгийг Ерөнхий сайдын ажлын албаны мэдээллээс харж болно. Тухайлбал, Сангийн яамны мэдээлэлд дурдсанаар Монгол Улсын Ерөнхий сайд энэ оны эхний долоон сард 184 тэрбум төгрөгийн зарлага гаргасан байна. Энэ зардлаа үүнийгээ Шилэн дансаар огт тайлагнаагүй байна.

https://legalinfo.mn/mn/detail?lawId=10497 


Гэтэл Шилэн сайтад тайлангаа “Хугацаандаа илгээсэн горим”-д тааруулж олон нийтийг хуурч байгаа нь олон нийтэд ил байгаа мэдээлэл юм.  
Дашрамд дурдахад, Ерөнхий сайд Г.Занданшатар Шилэн дансны мэдээллийг 2025 оны аравдугаар сарын 1-ний дотор иргэнд ойлгомжтой байдлаар бүрэн байршуулахыг үүрэг болгох захирамж гаргаж байжээ.