Орон нутгийн цагаар энэ сарын 19-ний үдээс хойш Монгол-Хятадын хамтарсан “Талын түнш-2024” цэргийн хээрийн сургуулилтыг хаах ёслолын ажиллагаа Монгол Улсын Дорноговь аймгийн нутаг дэвсгэрт боллоо. Ёслолын ажиллагаа орон нутгийн цагаар 13:00 цагт эхэлжээ. Далбаа мандуулах ёслолын дараа хоёр талын холбогдох албаныхан, зочид төлөөлөгчид богино хэмжээний үг хэлж, хамтарсан хээрийн сургуулилтын гүйцэтгэх шатны албан ёсны дүгнэлтийг танилцуулав.

Хээрийн сургуулийг хаах ёслолын ажиллагааны өмнөхөн талбайн жагсаал хийж, Монгол-Хятадын удирдах офицерууд нийт бие бүрэлдэхүүний нөхцөл байдлыг шалгажээ. Ингээд хээрийн сургуулийг хаах ёслолын ажиллагааны дараа талууд үдэшлэг зохион байгуулсан байна.

Энэ удаагийн хээрийн сургуулилт нь хоёр орны зэвсэгт хүчний хамтарсан анхных бөгөөд хууль бус зэвсэгт бүлэглэлүүдийн үйл ажиллагаатай хэрхэн тэмцэх тал дээр анхаарснаараа онцлогтой байв. Хээрийн сургуулилтын гол зорилго бол хоёр талын стратегийн итгэлцлэлийг харилцан сайжруулж, зэвсэгт хүчин хоорондын бодит хамтын ажиллагааг дэмжиж, бүс нутгийн тайван, тогтвортой байдалд эерэг хүчин чармайлт гаргах юм.