Үнэндээ, УИХ дахь МАН-ын бүлэг хоёр хагарсан. 30-ын гэгдэх бүлгээс томилогдсон сайд нарыг огцруулж буй нь эргэж эвлэхгүй болж буйн илэрхийлэл мэт. Тэр байтугай, Сангийн сайд З.Мэндсайханыг эдийн засгийн хямрал, дампууралтай холбоотойгоор чөлөөлөх ч хувилбар яригдсан гэнэ. Ерөнхийлөгчийн гэгдэх хүнийг чөлөөлж ч мэдэхээр байна гэдэг нь зөвхөн хоёр хэсэг болж хагараагүй гэсэн үг.
Тиймээс Ерөнхий сайд Н.Учралд “Итгэл үзүүлэх асуудлаа УИХ-д оруулж ир” гэдэг шаардлага тавьсан. Сонирхолтой нь, шаардлагад нь тодорхой хугацаа байхгүй. Энэ талаар АН-ын бүлэг мэдээлэл хийхдээ дэргэдээ Ч.Лодойсамбууг суулгаж Засгийн газрыг өмөөрсөн үг хэлүүлсэн нь ч санамсаргүй явдал биш. Учир нь, Н.Учралтай нэгмөсөн тангараг тасрахыг АН-ын дарга О.Цогтгэрэл хүсэхгүй байна. Огцруулах албан бичиг дээр гарын үсэг цуглуулахад болчих гээд байгаа нөхцөлд шүү дээ.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.