С.Амарсайханы Хууль зүй, дотоод хэргийн сайдаас чөлөөлөгдөхөөс өмнө “Ерөнхий сайд асан Г.Занданшатарын ойрын хамаатан, хуулийн байгууллагуудын тендерийг түүдэг Б.Булнай гэх эмэгтэй хуулийн байгууллагын удирдлагуудтай хамтран зохион байгуулалттай гүтгэлэг, тавилттай бичлэг цацсан” гэдгийг албан ёсны хэвлэлийн бага хурлаар баримттай зарласан. Харин тэрхүү баримтынх хариуг нь Ерөнхий сайд Н.Учрал  “Фэйсбүүк”-ийн постоор илэрхийллээ.Өнгөрсөн хэд хоногийн улс төрийн үйл явцын хувьд Ерөнхий сайд Н.Учрал хамаарал бүхий сургуульдаа улсын төсвөөс 3.5 тэрбум төгрөгийн дэмжлэг үзүүлэх гэж байсныг Сангийн яам, Боловсролын яамны албан тушаалтнууд ил болгосныг УИХ-ын гишүүд баталсан. Гэтэл Ерөнхий сайд өөртэй нь холбоотой баримтыг ил болгосон яамдаас дайснаа хайхын оронд Хууль зүй, дотоод хэргийн яам руу удганы сэтгэгдэлд түшиглэсэн гэнэтийн довтолгоо хийсэн цаанаа учиртай.