Засгийн газрын гал тогоонд өрнөж буй сайд нарын зодоонд нийслэлийн албан тушаалтнууд орж ирлээ. Өдгөө хотын даргын зөвлөх албан тушаалтай “Иргэдийн шударга шүүх” ТББ-ын тэргүүн Х.Бат-Ялалт өчигдөр Хууль зүй, дотоод хэргийн сайд С.Амарсайханыг шалгуулахаар АТГ-д өргөдөл гаргасан.

Тэгвэл Хууль зүй, дотоод хэргийн сайд С.Амарсайхан өчигдөр цаг үеийн асуудлаар мэдэгдэл хийх үеэрээ Ерөнхий сайд асан Г.Занданшатарын хамааран Б.Булнай гэх эмэгтэй хуулийн байгууллагынхантай хамтран хэрхэн түүн рүү зохион байгуулалттай гүтгэлэг, дайралт хийж буйг баримттайгаар тайлбарласан юм. Тэрбээр “Б.Булнай гэдэг эмэгтэй гарч ирсэн. 4-р сарын 1-нд намайг сайд болоход гүтгэлэгт бичлэг хийсэн.

‘Амарсайхан охиноо хүчирхийлдэг. Жирэмсэн болгосон. Эхнэр нь галзуугийн эмнэлэгт хэвтэж байгаа’ гэдэг хүний ой тойнд орохооргүй гүтгэлэг хийсэн. Хүний байтугай өөрийнхөө эхнэр, хүүхдийн арьс махыг шулаад зарахад бэлэн гаж донтой этгээдүүд ийм юм хийж байна. Би үүнд иргэний хувиар гомдол гаргасан. Гэтэл үүнийг шалгахын оронд өөр юм хийсэн. Б.Булнай бол Г.Занданшатарын маш ойрын хамаатан. Цагдаагийн байгууллагын засвар үйлчилгээ, тусгай обьектууд, түүнтэй холбоотой тендерүүдийг авдаг. Бичлэгийг нь хийдэг, шантаажилдаг” гэсэн гомдол их ирсэн.

Энэ хүн “Арвин хур” гэдэг компаниар 1.2 тэрбум төгрөгийн тендер авсан. Прокурор гэх тэр хүн яагаад миний өмнөөс хэрэг наймаалцаж байгаа юм. Тагнуул, цагдаагийн байгууллага үүнийг шалгаж тогтоох ёстой. Энэ бол байж болохгүй зүйл. Үүний араас ШШГЕГ-ынхан гарч ирж, өөрсдийнхөө амийг хамгаалж байна вэ. Би камер байрлуулж цагдаагийн алба хаагчдын барьцаалсан гэж бодож байна” гэж тайлбарласан.

Хууль зүйн сайдын тайлбарласан эдгээр үйл явдлын араас хотын даргын зөвлөх Х.Бат-Ялалт АТГ-д хандаж буйгаа МАН-ын төв хэвлэл “Үнэн” сонины эрхлэгчээр ажилладаг хүний хувийн сайтаар дамжуулан зарласан. Х.Бат-Ялалт нь өнгөрсөн зургаадугаар сараас хойш нийслэлийн Засаг дарга бөгөөд Улаанбаатар хотын Захирагч Б.Пүрэвдагвын ТҮЦ-ийн асуудал хариуцсан орон тооны бус зөвлөх зөвлөхөөр ажиллаж эхэлсэн байдаг.