Засгийн газраас өргөн мэдүүлсэн 2026 оны төсвийн тодотголоор Улаанбаатар хотын олон улсын зах зээл дээр гаргасан 500 сая ам.долларын үлдэгдлээс 758 тэрбум төгрөгийг улсын төсөв рүү татаж, алдагдлаа нөхөхөөр болсон.
Одоогоор нийслэлийн дансанд олон улсын бирж дээр гаргасан 500 сая ам.доллар үнэт цаасны хөрөнгийн үлдэгдэл болох 1.4 их наяд төгрөг байгаа. Нийслэл Улаанбаатар хот 2024 онд олон улсын зах зээл (Венийн бирж)-ээс 500 сая ам.долларын бондыг Засгийн газрын баталгаатай босгосон. Энэ мөнгийг "Сэлбэ дэд төвийн орон сууцжуулалтад зарцуулна" гэж хөрөнгө оруулагчдад танилцуулж байлаа. Хэрэв энэ мөнгийг зориулалтын бусаар зарцуулбал Монгол Улсын Засгийн газрын зээлжих зэрэглэл буурахаас эхлээд олон улсын хоригт орох эрсдэлтэй.
Эдийн засгийн үр өгөөжийн хувьд өмнөх 500 сая ам.долларын бонд 7.75 хүүтэй бөгөөд үнийг дахин санхүүжүүлэх тохиолдолд зээлийн хүү улам өсөх зэргээр санхүүгийн зардал нэмэгдэх юм.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.