Шүгэл үлээгч

“Гацуурт”-ын Л.Чинбат таван адуу дайраад өөрөө гэмтсэн гэв үү

1 цаг 5 минут
“Гацуурт” ХХК-ийн эзэн Л.Чинбат энэ сарын 1-ний 20.00 цагийн үед Сэлэнгэ аймгийн Цагааннуур сумын нутагт, зам дагуу идээшилж явсан таван адуу дайрчээ. Энэ талаар орон нутгийн фэйсбүүк группт иргэн Б.Ганзориг “Сэлэнгэ аймгийн Цагааннуур сумд цагаачилж ирсэн тариаланч таван адуу дайраад алчихдаг амар юм болох нь ээ. Одоо зам тээврийн осол болох уу” хэмээн бичсэн байв. Тэгвэл цагдаагийн байгууллагынхан “Цагааннуур сумд төв зам дагуу таван тооны адуу мөргөсөн гэх дуудлага ирсний дагуу шалгахад “Тоёота Ландкруйзер-300” загварын автомашинаар иргэн Л.Чинбат адуу дайрч, өөрөө гэмтсэн хэргийг шалгаж байгаа” гэсэн мэдээлэл өглөө. 
Таван адуу нэг дор дайрснаас дөрөв нь тэр даруйдаа, нэг нь хэсэг хугацааны дараа үхсэн гэдгийг орон нутгийн эх сурвалжууд мэдээлж байна. Үүнээс үзэхэд энэ осол хурд хэтрүүлснээс, эсвэл согтууруулах ундаа хэрэглэснээс болсон байх магадлалтай хэмээн иргэд үзэж буй юм. Түүний дайрсан адуун дунд багадаа 15-20 саяар үнэлэгдэх, наадмаас айраг түрүү хүртсэн болон жороо морьд байжээ.

Холбоотой мэдээ

Сэрэмжлүүлэг: Хөрсөн дээр цочир хүйтэрнэ
Зуншлага нийт нутгийн 50 гаруй хувьд сайн байна
Цэцэрлэгийн II шатны бүртгэл эхэллээ

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0