Нийслэлийн Засаг дарга бөгөөд Улаанбаатар хотын захирагч Д.Сумъяабазар өчигдөр (2023.02.01)  шөнө халтирч унасны улмаас яаралтай нурууны хагалгаанд оржээ. Түүнийг яаралтай “Грандрмед” эмнэлэгт хүргэсэн бөгөөд хагалгаа амжилттай болсныг эх сурвалжууд мэдээлэв. Нийслэлийн хэмжээнд халтиргаа гулгаанаас шалтгаантай гэмтэл бэртэл нийт ослын 40 хувийг эзэлж байгааг Гэмтэл, согог судлалын үндэсний төвөөс мэдээлсэн байдаг. Жилд дунджаар 140,000 гаруй гэмтэж бэртсэн иргэн  тус төвөөр үйлчлүүлсний 60 орчим мянга нь халтирч унаснаас үүдэн бэртжээ. Мөн үүний дийлэнх нь согтууруулах ундаа хэтрүүлэн хэрэглэсний улмаас гарсан байдаг. Дашрамд дурдахад, нийслэлийн Засаг дарга бөгөөд Улаанбаатар хотын захирагч Д.Сумъяабазар 2022.02.14-ны өдөр захирамж гаргаж, нийслэлийн хэмжээнд сар бүрийн 1-нд архи, согтууруулах ундаа худалдан борлуулахыг хориглосон шийдвэрийг цуцласан байдаг юм.