Улс төр ,Гадаад бодлого

​Монгол Улсын Гадаад харилцааны сайдыг Украины Гадаад хэргийн сайд эх орондоо урьжээ

2024/05/02
Украины Гадаад хэргийн сайд Дмитрий Кулеба өөрийн твиттер хуудсанд Монгол Улсын Гадаад харилцааны сайд Б.Батцэцэгийг эх орондоо айлчлахыг урьсан тухай нийтэлжээ. Украины Гадаад хэргийн сайд Дмитрий Кулеба хэлэхдээ “Би Монгол Улсын Гадаад харилцааны сайд Б.Батцэцэгтэй хоёр орны харилцаа, олон улсын байгууллагын хүрээнд хамтын ажиллагааг хөгжүүлэх талаар утсаар ярилаа. Гадаад хэргийн яам хооронд улс төрийн зөвлөлдөх уулзалт хийхээр тохиролцсон. Мөн Б.Батцэцэг сайдыг Украинд айлчлахыг урилаа” гэсэн байна.

Мөн түүнчлэн Украины Ukrinform мэдээллийн агентлаг хоёр улс ойрын хугацаанд олон улсын хамтын нийгэмлэгийн байгууллагуудын хүрээнд хамтран ажиллаж, харьяа агентлагуудын түвшинд улс төрийн зөвлөлдөх уулзалт хийхээр тохиролцсон тухай мэдээллээ. Хоёр улсын Гадаад харилцааны сайд нар хамгийн сүүлд өнгөрсөн нэгдүгээр сард утсаар холбогдож хоёр талын хамтын ажиллагаа, энх тайвны талаар санал солилцсон билээ.

Ташрамд дурдахад Монгол-Украин улс 1992 оны нэгдүгээр сарын 21-ний өдөр дипломат харилцаа тогтоожээ.

 

Эх сурвалж: Ukrinform

Холбоотой мэдээ

Улсын Их Хурлын асуулгын цагаар нийгмийн хамгаалал, халамж сэдвийг хөндөж, хууль тогтоолын төслүүдийг эцэслэн батлах бэлтгэл хангуулахаар шилжүүллээ
“Газар зүйн нэрийн жагсаалт батлах тухай” Улсын Их Хурлын 2003 оны 42 дугаар тогтоолын хавсралтад нэмэлт, өөрчлөлт оруулах тухай Улсын Их Хурлын тогтоолын төслийг баталлаа
"Усны үнэ цэн" сэдэвт хэлэлцүүлэг төрийн ордонд боллоо

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0