“Жанго чөлөөлөгдсөн нь”, “Ичгүүргүй шаарнууд”, “Биллийг устга” зэрэг киногоороо алдартай найруулагч Квентин Тарантиногийн хамгийн алдартай бүтээл гэж тооцдог “Гэмт хэргийн зохиол” киноны одод 30 жилийн дараа нэг дор цугларчээ. Энэ сарын 18-ны өдөр Холливуудад байрлах TCL кино театрт зохион байгуулсан TCM Сонгодог киноны наадамд жүжигчин Самуэл Л.Жексон, Ума Турман, Жон Травольта, Нарви Кьетел нар уулзалдаж, хамтран тоглосон “Гэмт хэргийн зохиол” киноныхоо дэлгэцэнд гарсан 30 жилийн ойг тэмдэглэжээ. Киноны харилцан ярианы гарамгай мастер гэгддэг К.Тарантиногийн “Гэмт хэргийн зохиол” кино 1994 оны дөрөвдүгээр сарын 18-нд анх дэлгэцэнд гарч байв.