Израилийн Ерөнхийлөгч Исаак Херцог өчигдөр орон нутгийн телвеизэд ярилцлага өгөх үеэрээ АНУ-ын Сенатын олонхын дарга Чак Шумерийг тус улсын дотоод улс төрөөс хол байхыг шаардсан байна. Тэрбээр цааш нь ярихдаа “Би Чарльз Шумер Израилийн талыг тууштай дэмжиж буйг нь хүндэтгэдэг. Гэхдээ Америкийн улс төрийн удирдагчдыг Израилийн улс төрөөс ангид оршиж, манай ард түмэн хийгээд улс төрийн удирдагчдад шийдвэр гаргах эрхийг нь үлдээ!” хэмээн анхааруулжээ. Ноён Шумер нь өнгөрсөн сарын 14-нд Израиль улс сонгууль зохион байгуулахыг уриалаад Ерөнхий сайд Беньямин Нетаняахугийн Засгийн газар хүчтэй өрнөж байгаа Израиль-Хамасын зөрчилдөөнийг шийдвэрлэхэд тохиромжгүй, үеэ өнгөрөөсөн учир түүнийг солих хэрэгтэй гэж ярьж байсан юм.